قەلەمپۇر  丁香

خەنزۇچە نامى : 丁香

ئىنگىلىزچە نامى : Colve

بۇ مىر تە  ئائىلىسىدىكى ئېگىزلىكى 10  -  20 مېتىرغىچە دائىم ئۆسىدىغان ، دائىم ياشىرىپ تۇرىدىغان ‹دەرەخ ›قەلەمپۇرنىڭ غۇنچىسى بولۇپ ، بۇ دەرەخنىڭ غۇنچىسى ‹قەلەمپۇر› نامىدا دورىغا ئىشلىتىلىدۇ ، تەمى ئاچچىق ، مەززىلىك ، خۇش پۇراق كېلىدۇ ، 

خىمىيلىك تەركىبى : گۈل غۇنچىسىدا 15  -  20 % ئۇچۇچان ياغ ، يەنى قەلەمپۇر مېيى بار ، بۇنىڭ ئىچىدىكى ئېۋگېنول بولسا ، ئۇچۇچان ماينىڭ 18 - 95 % نى ئىگىلەيدۇ ، گۈلنىڭ تەركىبىدە رامنېتىن ، كېمپىفېرول ، ئېۋگېنتىن قاتارلىق فلوۋونلار بار ،

تەبىئىتى : ئۈچىنچى دەرىجىدە قۇرۇق ئىسسىق 

خۇسۇسىيتى : ئاشقازان ۋە ئۈچەينى قۇۋۋەتلەش ، تىنىچلاندۇرۇش ، تېرىنى قىزارتىش ، قاننى قىزتىش ، خۇشبۇي قىلىش ، ھەزىمنى ياخشىلاش ، ئىشتىھانى ئېچىش ، چىرىشكە قارشى تۇرۇش ، يەل تارقىتىش ، كۆڭۈلنى خۇش قىلىش ، يۈرەك ۋە مېڭىنى قۇۋۋەتلەش ، ئىششىق ياندۇرۇش ، باھنى قۇۋۋەتلەش 

ئىشلىتىدىغان كېسەللىكلەر : ھەزىم بۇزۇلۇش ، قورساق ئېسىلىش ، ئىشتىھاسىزلىق ، قۇسۇش ، كۆڭۈل ئېلىشىش ، ھېق تۇتۇش ، چىش ئاغرىقى ، مېڭە ۋە يۈرەك ئاجىزلىقى ، باھ ئاجىزلىقى قاتارلىقلارغا ئىشلىتىلىدۇ ،

ئىشلىتىش ئۇسۇلى ；1- قەلەمپۇرنى تاماققا سالسا تاماقلارنى خۇشبۇي قىلىدۇ ، قورساق ئېسىلىشنى يۇقىتىدۇ ، ئاشقازان ۋە ئۈچەينى قۇۋۋەتلەپ ئىشتىھانى ئاچىدۇ 

2 - قەلەمپۇرنىڭ سۇپۇپىدىن بىر يېرىم گرامنى يىڭى سېغىلغان سۈت بىلەن ئىچسە باھنى قوزغايدۇ 

3 - قەلەمپۇردىن ئىككى گرام ، خورمىدىن ئۈچ گرام ، ئادەمگىياھدىن ئۈچ گرام قۇرۇق زەنجىۋىلدىن ئىككى گرام ئېلىپ 200 گرام سۇ بىلەن قاينىتىپ ئىچىپ بەرسە ئۇزۇن داۋام قىلغان ھېق تۇتۇشنى توختىتىدۇ ،

ئىشلىتىش مىقدارى : 4  -  10 گرام 

زىيانىلىق تەسىرى ； ئىسسىق مىزاج كىشىلەرگە ، بۆرەككە ۋە ئۈچەيگە زىيان قىلىدۇ 

تۈزەتكۈچىسى : سەمغى ئەرەبى 

ئۇرۇنباسارى : دارچىن ، بەسباسە ، جۇزبوۋا 

چىقىش ئۇرنى : ئىسسىق بەلۋاغ رايۇنلىرى ھەم ئېلىمىزنىڭ گۇڭدوڭ ، خەينەنداۋ ئۆلكىلىرىدىن چىقىدۇ ،

پىششىق دورا ياسالمىلىرىدىن : جاۋارىش شەھرىيان ، جاۋارىش جالىنۇس